Ақмола облыстық орыс драма театры

«Рухани жаңғыру» мемлекеттiк бағдарламасы, «Ұлы даланың жетi қыры» жобасы аясында көрермендер назарына Р. Отарбаевтың «Бейбарс» тарихи драмасының премьерасы ұсынылды. Бұл қойылым Мысыр мен Сирияның Ұлы қолбасшысы және дана билеушiсi Бейбарс туралы. Ол өз басқаруындағы он жетi жыл iшiнде Мысырды қуатты державаға айналдырды. Бiрақ, барлық еңбегi мен жеңiстерiне қарамастан, ол туған даласын, ана қолының жылуын аңсады.

Театр директоры Б. Бахтыгереев шығармашылық жоспарларымен бөлiстi, бiрнеше аты шулы премьераны хабарлады, Ақмола облысы мәдениет басқармасының өкiлдерi маусымның ашылуымен құттықтады.